Orang dong ada yang bilang, 'guru kecing berdiri, murid kencing berlari, giliran guru yang kecing berlari, muridnya kencing terbirit-birit.' Itu dia pung nama pepatah ang? dia pung maksud supaya kalo su jadi pemimpin na bisa kasih contoh yang bae buat ana buah, buat murid, buat bawahan, buat dia pung masyarakat. begitu su harapan yang paling besar yang su taro di pundak seorang pemimpin.
na kalo deng berita, orang nomor satu di DKI Jakarta yang nekad lawan arus gara-gara terjebak macet? tentu ini bukan contoh yang baek ow. orang dong sonde akan lupa deng beliau (om Foke) pung baomong saat kampanye dulu, 'serahkan (masalah banjir, macet, dll) pada ahlinya!" wuih, dengar itu kata-kata sa samua warga pung senang lai. dong pikir mungkin ini angin segar su buat dong pung hidup. sonde banjir lai, nae darah karena macet.
e, giliran su jadi gubernur, tadi malam ang, wartawan Metro TV berhasil merekam gambar ketika baptua pung oto Land Cruiser yang su terjebak macet tiba-tiba sa putar haluan, ambil jalur sebelah yg notabene arus balik. na ko pung parah lai? su jad pemimpin dong su sama ke diatas angin sa, ko sonde mau tau penderitaan rakyat lai. jadi kalo su nae katumu itu macet dong bia seenaknya. katong ju sonde boleh lupa ketika taon lalu, ada yang tulis surat pembaca di harian Kompas yang mengeluh karna gara-gara pak SBY mo lewat sa jalanan harus disterilkan, ditutup, masyarakat pengguna jalan harus minggir jao-jao te bos mo lewat.
jadi sama sa, giliran su jadi pemimpin, dong son mau rasa lai namanya itu macet. biar rakyat sa yang rasakan.
ado tuher e...su karmana lai ni?
karmana ow deng katong pung pemimpin di Kupang sini?
smoga sa son bagitu ju.
Kupang 2 Agustus 2011
Tidak ada komentar:
Posting Komentar
Beta tunggu lu pung komentar di sini, danke...